Մենյու
Առաջադրանքը`
- Ուսուցիչների համար բացօդյա հյուրասիրության կազմակերպում
Պահանջներ`
- Ձևավորումը` ժամանակակից և դասական ոճերի համադրում
- Հագեցնող և դեսերտային սննդատեսակներ` ներառյալ նաև հատուկ բուսակերների համար
Ֆուրշետ`
- Նախուտեստ (բրուսկետա, բանջարեղենային ափսե, պանրային ափսե)
- Կանապե (մսային, պանրային)
- Աղցան (հումուս, գրիլ բանջարեղենով)
- Բուրգեր (տավարի մսով)
- Սենդվիչ (պաշինայով, տավարի մսով)
- Տակո (բանջարեղենային)
- Աղանդեր (կաթնաշոռային պանրով և պիստակով խմորեղեն, գազարով խմորեղեն, խմորեղեն Կոկոս, շոկոլադե տարտ, վանիլային էկլեր, նարնջով և նուշով դենիշ, դասական կրուասան, նուտելայով կրուասան
- Սեզոնային մրգի տեսականի
Ըմպելիք
- Ջուր
- Հանքային ջուր
- Բնական հյութ
- Գինի (սպիտակ, կարմիր)
- Գեղեցիկ մատուցում
Առաջարկված լուծումները և նպատակը`
- Սև մետաղական ոտքերով սեղանները մարմարե բաց երանգով մակերևույթ ունեն. այս գույների համադրումը խորհրդանշում է կրթական ոլորտը։ Սփռոցի բացակայությունը հարմարավետություն և թեթևություն է հաղորդում սեղաններին։ Սեղաններից մեկի վրա բաց կապույտ երանգով սպասքը կրթական ոլորտ ներկայացնող ընկերության լոգոտիպի գունային շեշտադրումն է։ Մյուս սեղանին դասավորվել են սպիտակ սպասքը և արծաթագույն բարձր սկուտեղները, որոնք ապահովում են ամառային տարբեր վառ երանգներով մրգերի և ուտեստների հետ համադրության գրագետ կազմակերպումն ու գունային խառնաշփոթից խուսափելու միտումը։
Բարձր սպիտակ պատվանդաններն ընդգծում են ելակետային թեմատիկ երանգն ու ավելի ակնառու տեսք են հաղորդում ուտեստներին` շեշտադրելով դրանք նաև էսթետիկ տեսանկյունից։
Տանիքի տերասայի ֆիզիկական դիրքը թույլ է տվել օգտագործել ոչ մեծ տարածություն` սեղանների տեղակայման համար, որը հիմք է հանդիսացել, որպեսզի ուտեստները խիտ դասավորվեն, ինչը վիզուալ առումով նաև առատության տպավորություն է ստեղծում սեղաններին։
Ամառային բացօթյա միջոցառումը պարզապես պարտադրում է օգտագործել բացառապես բնական ծաղիկներ. արևածաղիկները, որպես արևի ամենաիրական խորհրդանիշ` համադրվել են երեկոյի բնական զարդի` մայրամուտի հետ։ Արևածաղիկների խոշոր գլխիկների ֆոնին սեղանի թեթևությունն ու եթերայնությունն ապահովում են բնական սպիտակ քրիզանթեմները։
Մանկավարժների համար կազմակերպված մրցանակաբաշխությանը հաջորդող բացօդյա հյուրասիրության շրջանակներում կարևորել ենք հետևյալը.
- Հարմարավետությունը` որպես երկարատև ժամանցի էական պայման
- Խորհրդանշական ձևավորումը
- Սիմվոլիկ գունային գամման
- Հագեցնող սննդատեսակների և հրուշակեղենի համադրումը` որպես համի և տեսքի գրավական
- Մրգառատ սեղաններ` որպես ամառային նախընտրություն
Դասական և ժամանակակից ոճերը` միաձուլվելով միջոցառման սկիզբն ազդարարող մայրամուտի շողերին` ամառային տաք երեկոյի համար ապահովել են յուրահատուկ մթնոլորտ` թույլ տալով հյուրերին ոչ միայն վայելել իրենց աշխատանքի դիմաց գնահատված լինելու բերկրանքը, այլև լիցքաթափվել երաժշտության դինամիկ նոտաների ու համեղագույն ուտեստների ազդեցության ներքո` ստանալով վառ էմոցիաներ ու անսպառ էներգիա, որոնք միանշանակ երաշխավորելու են ուսումնական պրոցեսի մեջ մեծ ներուժ և լիքը սեր ներարկելու սկզբունքը։
