Հարսանեկան արարողություններ

Առաջադրանքը`

• Հարսանեկան արարողության ֆուրշետի ձևավորում

Պահանջներ`

• Հարսանեկան ընդհանուր դիզայնին համադրվող սեղանի ձևավորում
• Հագեցնող և դյուրամարս սննդատեսակներ

Ֆուրշետ

• Կանապե (մսային, պանրային)
• Նախուտեստ (բրուսկետա)
• Աղցան (գրիլ֊բանջարեղենով)
• Սենդվիչ (հավի կրծքամսով)
• Աղանդեր (տարտ, պրոֆիտրոլ, մեղրով)
• Գեղեցիկ մատուցված սնունդ

Առաջարկված լուծումները և նպատակը

• Ոսկեգույն և ապակե սպասքը պատվիրատուի նախընտրությունն է, որն իդեալական համադրություն է ինտերիերին։ Ընդհանուր սփռոցի բացակայությունը ոչ միայն հարմարավետության նկատառումներով է, այլև ընդգծում է սեղանի մակերևույթի սպիտակը, որը, սպիտակ մետաղական մոմակալների և սպիտակ կոնֆետների հետ մեկտեղ, ոչ միայն խորհրդանշում է հարսանեկան թեման, այլև մեղմում է ոսկեգույնի ճնշող «խիտ» երանգը։ Թեթև փայլ պարունակող բեժ երանգով շղարշե դեկորը գունային և ոճային առումով համադրված է սենյակի ինտերիերին և հատկապես հատակի սալիկների նուրբ երանգին։ Ի հակադրություն այս նրբությանը ոսկեգույն բարձր մոմակալներն ու բազմահարկ պատվանդանները շքեղություն են հաղորդում սեղանին` ապահովելով սեղանի էլեգանտ տեսքը։ Այստեղ ինչ֊որ բան պակաս կլիներ, եթե սեղանը չզարդարվեր արհեստական սպիտակ խոլորձներով, որոնք իդեալական են համադրված ընդհանուր դիզայնի և հատկապես հարսանեկան շորի հետ։

Հարսանեկան արարողության ֆուրշետի ձևավորումը և մատուցումը իրականացրել ենք` շեշտադրելով.

• Ինտերիերի և ընդհանուր դիզայի հետ համադրումը
• Ոսկեգույնի ընդգծումը
• Հագեցնող սննդատեսակների առկայությունը` հաշվի առնելով, որ հյուրերը, մինչև հարսանեկան սեղանից օգտվելու պահը, սնվելու առիթ չեն ունենալու։

Այս լուծումների միջոցով ստեղծվել է շքեղ և միևնույն ժամանակ թեթև միջավայր, որն ապահովել է մեր ոչ հայաստանաբնակ պատվիրատուի նախաձեռնած հյուրասիրության և' առարկայական, և' էսթետիկ կողմը` հնարավորություն տալով հյուրերին լիարժեք վայելել հարսանեկան արարողության յուրաքանչյուր պահը։

Առաջադրանքը`

• Հարսանեկան արարողության ֆուրշետի ձևավորում

Պահանջներ`

• Ինտերիերի դիզայնին համադրվող շքեղ ձևավորում
• հագեցնող և առատ սնունդ

Ֆուրշետ`

• Նախուտեստ (բրուսկետա պրոշուտոյով, պանրով և սնկով)
• Կանապե (պանրային, ձկնային, մսային)
• Պանրամսային ափսե
• Տակո (Բանջարեղենային, մսային)
• Աղանդեր (Ֆրանսիական մակարոն, շոկոլադային բլին, պիստակով խմորեղեն)
• Մրգի տեսականի
• Գեղեցիկ մատուցված սնունդ

Առաջարկված լուծումները և նպատակը

• Արծաթե բարձրաճաշակ սպասքը սեղանի շքեղության կարևորագույն դետալն է, որն իդեալական համադրություն է նաև ինտերիերին։ Ընդհանուր սփռոցի բացակայությունն ընդգծում է սեղանի մակերևույթի բնական քարի գույնը` հարուստ տեսք հաղորդելով ընդհանուր պատկերին։
• Սպիտակ մոմերը խորհրդանշում են հարսանեկան գույնը և համադրվում են ինտերիերի բաց երանգին` փոքր ինչ մեղմելով փայլուն երանգը։
• Արծաթագույն բարձր մոմակալներն ու բազմահարկ սկուտեղը` ճյուղի տեսքով դեկորատիվ մոմակալի հետ մեկտեղ, ապահովում են սեղանի յուրահատուկ դիզայնը, ինչպես նաև շքեղ, էլեգանտ ոճի շեշտադրումը։ 
• Բնական թարմ վարդերն ու լիզիանտուսները, կանաչ խիտ տերևների հետ մեկտեղ, ոչ միայն առատ, փարթամ տեսք են հաղորդում սեղանին, այլև անուշահոտությամբ են լցնում ամբողջ տարածքը` լիարժեք վայելքի վերածելով հյուրասիրությունը։

Հարսանեկան արարողության ֆուրշետի ձևավորումը իրականացրել ենք` առանձնահատուկ ուշադրության արժանացնելով.

• Ինտերիերի հետ համադրումը
• Շքեղ և էլեգանտ ոճի ընդգծումը
• Հագեցնող և հետաքրքիր սննդատեսակների առկայությունը` հաշվի առնելով հյուրընկալ կողմի սկզբունքային ցանկությունը` կազմակերպել առատ հյուրասիրություն։

Այս լուծումների միջոցով ստեղծվել է գրավիչ և շքեղ միջավայր, որն ապահովել է հյուրերի համար ինչպես համեղագույն, բարձրորակ սնունդ, այնպես էլ երաշխավորել է էսթետիկ հաճույքը` թույլ տալով սկսել հարսանեկան արարողությունը լիակատար վայելքով։

Առաջադրանքը`

• Հարսանեկան նախնական հյուրասիրության կազմակերպում

Պահանջներ`

• Տան ինտերիերին համադրվող սեղանի ձևավորում
• Հագեցնող սննդատեսակներ

Ֆուրշետ

• Նախուտեստ (տակո)
• Կանապե (պանրային, մսային, ձկնային) 
• Պանրամսային ափսե
• Աղանդեր (պրոֆիտրոլ, ֆրանսիական մակարոն, կրուասան, չիզքեյք, փախլավա)
• Սեզոնային մրգի տեսականի
• Գեղեցիկ մատուցված սնունդ

Առաջարկված լուծումները և նպատակը՝

Ոսկեգույն սպասքը համադրվել ինտերիերի հետ` ապահովելով սեղանի ակնահաճո շքեղ տեսքը։ Ընդհանուր սփռոցի բացակայությունն ընդգծում է հյուրասենյակի սեղանի սպիտակ թեմատիկ գույնը և իհարկե եզրային դեկորները, որոնց ոսկեգույն երանգն իդեալական «ձուլվում» է ընդհանուր ոսկեփայլ պատկերի հետ։ Գունային ճնշող էֆեկտից խուսափելու հիանալի լուծում են բնական ծաղիկները` ի դեմս սպիտակ քրիզանթեմների` որպես հարսանեկան խորհրդանշական գույնի արտահայտում, և ծիրանագույն վարդերի, որոնք հրաշալի համադրություն են դեկորատիվ վարագույրների հետ։ Ոսկեգույն բարձր մոմակալները, եռահարկ խոշոր սկուտեղն ու արտահայտիչ ոսկեգույն ծաղկամանները լրացնում են շքեղության անհրաժեշտ չափաբաժինը։

Հարսանեկան հյուրասիրության կազմակերպման մեջ առանձնահատուկ տեղ է ունեցել.

• Ինտերիերի հետ համադրումը
• Ոսկեգույնի շեշտը
• Հագեցնող և բազմազան սննդատեսակների առկայությունը։

Այս լուծումների միջոցով ստեղծվել է միևնույն ժամանակ և' շքեղ, և' հարմարավետ, և' հաճելի միջավայր` ապահովելով բոլոր ներկաների տոնական օրվա համեղ և հաճելի սկիզբը։