Բացման արարողություն

Առաջադրանքը`

• Շքեղ ձևավորմամբ հյուրասիրության կազմակերպում

Պահանջներ`

• Ձևավորումը` «Luxury» ոճով
• Դյուրամարս և աչք շոյող սնունդ

Ֆուրշետ
Ուտեստներ

• Կանապե (մսային, ձկնային, պանրային, բանջարեղենային)
• Սենդվիչ (Պաշինայով)
• Աղանդեր (մուս, տարտ, խմորեղեն` Կոկոս, Մեղրով, Պրոֆիտրոլ)
• Սեզոնային մրգեր

Ըմպելիք

• Սուրճ
• Թեյ
• Կոմպոտ
• Ոչ ալկոհոլային լիմոնադ
• Փրփրուն գինի
• Գեղեցիկ մատուցում

Առաջարկված լուծումները և նպատակը

• Որպես սեղանի շքեղ ձևավորման առաջին նախապայման` կիրառվել է սև ու արծաթագույն սպասք։ Սփռոցի բացակայությունը ոչ միայն ապահովել է սեղանից օգտվելու հարմարավետությունը, այլև ընդգծել է սեղանի մակերևույթի բնական քարի գույնը, որը հարուստ և բարձրաճաշակ տեսք է հաղորդում ընդհանուր պատկերին։ Բնական տերևներն և սեզոնային ծաղիկները նուրբ դեկորատիվ համալրում են, որոնց ֆոնին առանձնանում են բնական կալաները` որպես էլեգանտության խորհրդանիշ։ Պատահական չէ նաև դեղին բնական ծաղիկների ընտրությունը, որոնք բացի վառ երանգով ակցենտավորման տարբերակ լինելուց, նաև լույսի ու ջերմության խորհրդանիշ են և այդպիսով շեշտադրում են հյուրընկալ կողմի ներկայացրած ոլորտը։ Արծաթագույն ծաղկամաններն ու բարձր մոմերով մոմակալներն ամբողջացնում են մինիմալիստիկ շքեղությամբ ստեղծված ձևավորումը։

Լուսատեխնիկայի մասնագիտացված խանութի բացման արարողությունը կազմակերպելիս շեշտադրել ենք.

• «Luxury» ոճի ընդգծումը` ինտերիերին համապատասխան
• Դեկորացիաների սիմվոլիկան
• Դեղին գույնը` որպես վառ ակցենտավորում և խանութի պրոդուկտի խորհրդանիշ 
• Ֆուրշետի նրբաճաշակ տեսքը` չանտեսելով սեղանից օգտվելու հարմարավետությունը։

Այս լուծումներն ապահովել են շքեղ և էլեգանտ միջավայր` ներշնչող մթնոլորտ ստեղծելով մասնակիցների շփման համար, ինչպես նաև տպավորիչ և մնայուն հետք թողնելով հյուրերի հիշողության մեջ։

Առաջադրանքը`

• Հյուրասիրություն` ինտերիերին համահունչ ձևավորումով

Պահանջներ`

• Ինտերիերին համահունչ ձևավորում
• Հագեցնող և դյումարս սննդատեսակներ

Ֆուրշետ
Ուտեստներ

• Նախուտեստ (բրուսկետա)
• Կանապե (մսային, պանրային)
• Սենդվիչ (տավարի մսով, կախասնկով, բեկոնով)
• Տակո (հավի մսով)
• Աղանդեր (տիրամիսու, Պանա Կոտա, վաֆլե գլանակ, թխվածք, ելակ` լայմի մեջ, շոկոլադե ֆոնդյու)
• Սեզոնային մրգի տեսականի

Ըմպելիք

• Ջուր
• Հանքային ջուր
• Բնական հյութ
• Գեղեցիկ մատուցում

Առաջարկված լուծումները և նպատակը

• Սև սպասքը, զոլավոր նախշով սև ծաղկամաններն ու սև մետաղե պատվանդանները իդեալական գունային և ոճային համադրություն են  ստեղծել ինտերիերի հետ։ Իսկ որպես սևի համալրում` հետաքրքիր լուծում են սև մետաղական շրջանակով լամպերը, որոնք նաև ջերմության և անմիջականության խորհուրդ կրող դեկորացիա են։ Հագեցած երանգով փիրուզագույն թավշե սփռոցը, ընդգծելով ձևավորման մուգ տոնայնությունը, հետաքրքիր և էլեգանտ տեսք է հաղորդում սեղանին։ Յուրահատկության հաջորդ նոտան ապահովում են սիրամարգի և ջայլամի փետուրները։ Գունային գամման ամբողջական են դարձնում նաև նուրբ փիրուզագույն ծաղկամաններում խնամքով տեղ գտած փիրուզագույն դեկորատիվ ծաղիկները։
• Առանց արծաթագույն բարձր մոմակալի ու խմիչքի համար նախատեսված արծաթագույն սառցամանի` սեղանի շքեղ և էլեգանտ տեսքը թերևս կիսատ կլիներ։

Վարսահարդարման սրահում կազմակերպված բացման արարողության ժամանակ առանձնահատուկ ընդգծել ենք.

• Ինտերիերի հետ ձևավորման  համադրումը
• Դեկորացիաների արտահայտիչ գունային գամման
• Յուրահատուկ դետալների կիրառումը
• Սննդատեսակների բազմազանությունը և ըմպելիքի միջոցով` շեշտադրումը։

Այս լուծումների միջոցով ստեղծվել է շքեղ և ինքնատիպ միջավայր` հյուրերի հետաքրքիր և տպավորիչ ժամանցի համար ապահովելով բոլոր էական պայմանները։

Առաջադրանքը`

• կանացի «նոտաներով» աչքի ընկնող բացման արարողության կազմակերպում

Պահանջներ`

• շքեղ ձևավորում
• վարդագույն երանգների գերակշռությամբ սննդատեսակներ

Ֆուրշետ
Ուտեստներ

• Կանապե (մսային, ձկնային, պանրային)
• Բուրգեր (հավի մսով)
• Աղցան (հավի կրծքամսով և բանջարեղենով)
• Աղանդեր (շոկ մանժե, չիզ քեյք, քափքեյք, Պանա Կոտե, Տարտ)

Ըմպելիք

• Ոչ ալկոհոլային լիմոնադ
• Բնական հյութ
• Գեղեցիկ մատուցում

Առաջարկված լուծումները և նպատակը

• Սրահի շքեղ տեսքի կարևորագույն դետալները բազմահարկ ոսկեգույն սպասքն ու մոմակալներն են։ Ընդհանուր սփռոցի բացակայությունը միտված է հարմարավետություն ստեղծելուն, ինչպես նաև բնական քարի տեսքով սեղանի սև գույնի ընդգծմանը, որն էլեգանտ համադրություն է ստեղծում ոսկեգույնի հետ։ Վարդագույն շղարշե դեկորն ընտրվել է որպես գունային համալրում ինտերիերին, որը հաջողված տարբերակով լրացրել են բնական նուրբ չորածաղիկները` որպես դեկորատիվ համալրում։ Ձևավորման ելակետային դետալներն են նաև պաստելային երանգներով փետուրները, որոնք կանացի նրբության և փափկության խորհուրդ ունեն։

Զարդերի խանութի բացման արարողության և հյուրասիրության կազմակերպման մեջ կարևորել ենք.

• Ինտերիերի հետ ձևավորման գունային և ոճային համադրումը
• Դեկորացիաների սիմվոլիկան
• Կանացի գույների ակցենտավորումը
• Վարդագույն երանգավորմամբ սննդատեսակների գերակշռությունը` հաշվի առնելով ֆուրշետի թեմատիկ բնույթը։

Այս լուծումների միջոցով ստեղծվել է կանացի շքեղ միջավայր` գեղեցիկ սեռի ներկայացուցիչների շփման համար ապահովելով էսթետիկ և հոգեհարազատ մթնոլորտի բոլոր նախադրյալները։